სწრაფი გადახდის აპარატების მხარდაჭერის მენეჯერი

სს „საქართველოს ბანკის“ კონტაქტ ცენტრი აცხადებს ვაკანსიას სწრაფი გადახდის აპარატების მხარდაჭერის მენეჯერის თანამდებობაზე თბილისში.

სამუშაო გრაფიკი: სრული განაკვეთი

ეს პოზიცია შენთვისაა, თუ:

ხარ შრომისმოყვარე, სხარტი, დეტალებზე ორიენტირებული, გაქვს განვითარებული ზეპირი, წერითი კომუნიკაციისა და ანალიტიკური უნარები, მიისწრაფი თვითგანვითარებისკენ, ეფექტურად მართავ დროს და მარტივად გადიხარ ადაპტაციას ცვლილებებთან.

შენს მოვალეობაში შევა:

• მომხმარებელთა საჭიროების განსაზღვრა, მათთან პოზიტიური ურთიერთობის დამყარება, სერვისის სტანდარტების დაცვა.

• მომხმარებლის კონსულტაცია სწრაფი გადახდის აპარატებით შესრულებულ/შეუსრულებელ ოპერაციებთან დაკავშირებით. გადახდის დამუშავებასთან დაკავშირებული ოპერაციების შესრულება; გადახდის ოპერაციასთან დაკავშირებით კლიენტის პრეტენზიის მიღება და შესაბამისი რეაგირება.

• სამუშაო პროცესში წარმოქმნილი პრობლემების იდენტიფიკაცია და სათანადო რეაგირება, მათი აღრიცხვა და შესაბამისი თანამშრომლისგან/დეპარტამენტისგან მხარდაჭერის მოთხოვნა

• თანამშრომლის განვითარების სქემით გათვალისწინებულ პროცესებში ჩართულობა და ეფექტური შედეგების მისაღწევად საჭირო ღონისძიებების/დავალებების განხორციელება.

ამისთვის დაგჭირდება:

• მომხმარებელზე ორიენტირებულობა. 

• დახმარებისთვის მზაობა.

• გუნდურობა.

სასურველია გქონდეს:

• საბანკო სექტორში კონსულტანტის, ბანკირის ან მომხმარებლებთან ურთიერთობის სპეციალისტის პოზიციაზე მუშაობის გამოცდილება.

  
  

დაინტერესების შემთხვევაში გთხოვთ, შეავსეთ მოთხოვნილი ინფორმაცია, ატვირთეთ რეზიუმე/CV და დააჭირეთ ღილაკს „გამოაგზავნეთ განაცხადი“. რეზიუმეების მიღების ბოლო ვადაა 18 თებერვალი, 2025