სს საქართველოს ბანკის, ოპერაციული მხარდაჭერის დეპარტამენტი, აცხადებს ვაკანსიას მიმღების ადმინისტრატორის პოზიციაზე სათავო ოფისში.

მიმღები ადმინისტრატორის მოვალეობაა კონსულტაცია გაუწიოს სს საქართველოს ბანკის სათავო ოფისში შემოსულ სტუმრებს, გადაამისამართოს შესაბამის პირებთან და დეპარტამენტებთან.

თუ ხარ აქტიური და მიზანსწრაფული, მოგწონს ხალხთან ურთიერთობა და მათი დახმარება, მაშინ ეს ვაკანსია შენთვის არის. 


აღნიშნულ პოზიციაზე 6-12 თვიანი წარმატებული თანამშრომლობის შემთხვევაში, გექნებათ შესაძლებლობა თქვენი კარიერა გააგრძელოთ ჩვენს კომპანიაში სხვადასხვა პოზიციებზე.


ძირითადი ფუნქციები

  • სათავო ოფისში შემოსული სტუმრების გადამისამართება შესაბამის პირებთან და დეპარტამენტებთან;

  • სათავო ოფისში შემოსული სტუმრების ინფორმირება სხვადასხვა საკითხთან დაკავშირებით;

  • კომუნიკაცია დეპარტამენტებთან;

  • შეხვედრების ოთახების ჯავშნების კონტროლი;

  • შეხვედრების ოთახებში წესრიგის კონტროლი;


ჩვენ გთავაზობთ:

  • თქვენი კარიერის განვითარების შესაძლებლობას ჩვენს ბანკში;

  • მოსახერხებელ გრაფიკს - 4 საათიანი მცოცავი გრაფიკი ორშაბათიდან პარასკევის ჩათვლით.

  • ანაზღაურება - 700 დარიცხული.


ვეძებთ ადამიანს ვისაც:


  • აქვს გამართული მეტყველების უნარი;

  • არის აქტიური და კომუნიკაბელური;

  • მოსწონს ხალხთან ურთიერთობა და მათი დახმარება;

  • შეუძლია ინგლისურ ენაზე კომუნიკაცია (ჩაითვლება უპირატესობად)


დაინტერესების შემთხვევაში გთხოვთ, შეავსეთ მოთხოვნილი ინფორმაცია და დააჭირეთ ღილაკს „გამოაგზავნეთ განაცხადი“. დაინტერესების დაფიქსირების ბოლო ვადაა, 18 ივლისი , 2024.

გამოაგზავნეთ განაცხადი

პერსონალური მონაცემების დამუშავება (მათ შორის, სხვა სახელმწიფოსთვის გადაცემა) განხორციელდება სს საქართველოს ბანკის მიერ (ს/კ: 204378869) (მათ შორის, უფლებამოსილი პირის მეშვეობით), რომელიც მოქმედებს მონაცემთა დაცვის საერთაშორისო სტანდარტებთან და მოქმედ კანონმდებლობასთან შესაბამისობაში. პერსონალური მონაცემების დამუშავების მიზანია კანდიდატის შესაბამისობის დადგენა არსებულ/სამომავლო ვაკანსიის მოთხოვნებთან, დასაქმების თაობაზე გადაწყვეტილების მიღების მიზნით და შეინახება არაუმეტეს 10 წლის ვადისა; პერსონალური მონაცემების ატვირთვა ხდება HireHive LTD-ის (ს/კ: 380350, ირლანდია, ქორქი.) ღრუბლოვანი ტექნოლოგიის სისტემაში; სისტემის შესახებ დამატებით ინფორმაცია იხ. hirehive.com. კანდიდატი უფლებამოსილია მიიღოს ინფორმაცია მის შესახებ დამუშავებული პერსონალური მონაცემების შესახებ, რომელიც თავად მიაწოდა ბანკს და მოითხოვოს აღნიშნული ინფორმაციის გასწორება, განახლება, დამატება, დაბლოკვა, წაშლა და/ან განადგურება; ამისთვის გთხოვთ მოგვმართეთ ელ-ფოსტაზე: Careers@bog.ge საქართველოს ბანკი დასაქმებისას ეყრდნობა თანაბარი შესაძლებლობების პრინციპს და აღიარებს, რომ სხვადასხვა განათლებისა და გამოცდილების მქონე ადამიანებს შეუძლიათ სამუშაო ადგილი გაამდიდრონ მნიშვნელოვანი ღირებულებით. ჩვენი მიზანია ვიყოთ ინკლუზიური ორგანიზაცია, სადაც მრავალფეროვნება დაფასებული და წახალისებულია. ბანკი მაქსიმალურად უზრუნველყოფს რომ არ მოხდეს პირდაპირი თუ არაპირდაპირი დისკრიმინაცია ნებისმიერი მიზეზით, მათ შორის როგორიცაა: რასა; კანის ფერი; ენა; ეთნიკური და სოციალური კუთვნილება; ეროვნება; წარმოშობა; ქონებრივი ან წოდებრივი მდგომარეობა; შრომითი ხელშეკრულების სტატუსი; საცხოვრებელი ადგილი; ასაკი; სქესი; სექსუალური ორიენტაცია; შეზღუდული შესაძლებლობა; ჯანმრთელობის მდგომარეობა; რელიგია; საზოგადოებრივი, პოლიტიკური ან სხვა გაერთიანებებისადმი, მათ შორის, პროფესიული კავშირისადმი კუთვნილება; ოჯახური მდგომარეობა; პოლიტიკური ან სხვა შეხედულებები; ან სხვა ნიშანი, რომელიც მიზნად ისახავს ან იწვევს დასაქმებასა და პროფესიულ საქმიანობაში თანაბარი შესაძლებლობის ან მოპყრობის უარყოფას ან ხელყოფას.

* მიუთითეთ თქვენი სახელი და გვარი სრულად, პირადობის მოწმობის იდენტურად

* გთხოვთ, სააპლიკაციო ფორმა შეავსოთ ქართული ფონტით