ინვესტორებთან ურთიერთობის მენეჯერი

ს.ს. საქართველოს ბანკი, ინვესტორებთან ურთიერთობის დეპარტამენტში აცხადებს ვაკანსიას, ინვესტორებთან ურთიერთობის მენეჯერის პოზიციაზე.

ძირითადი ფუნქციები:

• კვარტალური ფინანსური ანგარიშგებების, წლიური ანგარიშებისა და სხვა საზედამხედველო მასალების შექმნა და პროცესის მეთვალყურეობა;

• ინვესტორებისთვის განცხადებებისა და სხვა საკომუნიკაციო მასალების მომზადება;

• ინვესტორებთან დაკავშირებული ღონისძიებების ორგანიზება (როუდშოუ, ინვესტორთა დღე, სხვადასხვა დისტანციური კონფერენციები)

• ინვესტორებთან ურთიერთობის ვებგვერდის კონტენტის მართვა;

• ანალიტიკური რეპორტების ანალიზი, შეჯამება და მენეჯმენტთან წარდგენა;

• სრული კონკურენტული ანალიზის გაკეთება, მათ შორის ფინანსური და სხვა საოპერაციო მეტრიკების მონიტორინგი;

• ტოპ მენეჯმენტთან თანამშრომლობით სტრატეგიული ინიციატივებისა და მიმდინარე საოპერაციო ცვლილებების მონიტორინგი, ფინანსური და საოპერაციო მონაცემების შეგროვება და ანალიზი და ინვესტორებთან ურთიერთობის საკომუნიკაციო მესიჯების შექმნა;

• ინვესტორებთან ურთიერთობის გეგმისა და განრიგის შედგენა და შემდგომი მეთვალყურეობა;

• ინვესტორების მიერ მოთხოვნილი ინფორმაციის გაცემა; მათი შეკითხვებისა და უკუკავშირის მენეჯმენტთან მიტანა.

სასურველი კანდიდატის პროფაილი:

• ფინანსების სიღრმისეული ცოდნა და გამოცდილება; სასურველია ბაკალავრის ან მაგისტრის ხარისხი ფინანსებში, ბიზნესსა ან ეკონომიკაში;

• შესაბამის სფეროში მინ. 1-2 წლიანი მუშაობის გამოცდილება

• ინგლისური ენის სრულყოფილად ცოდნა; უპირატესობა მიენიჭებათ კანდიდატებს, რომლებსაც ბაკალავრიატი საზღვარგარეთ აქვთ დამთავრებული;

• პრეზენტაციის დიზაინის უნარები; (Power Point-ის პროფესიონალურ დონეზე ცოდნა)

• მონაცემებთან მუშობის და ანალიტიკური უნარები;

• სამუშაოს დათქმულ დროზე შესრულების უნარი, ყურადღება დეტალების მიმართ;

• კარგად განვითარებული ინტერპერსონალური უნარები, ინდივიდუალურად და გუნდში მუშაობის უნარი.

დაინტერესების შემთხვევაში გთხოვთ, შეავსეთ მოთხოვნილი ინფორმაცია, ატვირთეთ რეზიუმე/CV, მიუთითეთ რეგიონი და დააჭირეთ ღილაკს „გამოაგზავნეთ განაცხადი“. რეზიუმეების მიღების ბოლო ვადაა, 18 აპრილი, 2025.